چه مهربـون سِيـل ايکنه ، نازِ چه سُرمِي تيَلـِش  
مهس ايکنـه بو ميخَکِش ، شِلـالِ پَهلِل ميَلـِش

عشقِ دووَر ايل مرهمِ ، سي دردِ بي درمونِ مُو
دونم فقط خُش ليليَ ، سي اي دلِ مجنونِ مو

عهدي بووَنـُدم بي دلـش ، دل بـي قراري کـارِمه
عشق و صداقت حرفشِ ، تا آخِرِش غمخوارمه

مِث کُه دنايَ شو وُ روز ، بي سَختِيَل ساز ايکِنِه
سنـگِ صبـورِ مـردشِ ، بي غملِـش نـاز ايکنـه


هَمِي وجودش يارشه ، نامهربوني عارشه
خون ايگِريـوِه يارِ ايل ، هر شـُو نَ تِي دلـدارشه

محبوبِ مو دِل نيکَنِه ، نيتَره پا پس بکشه
غيرِ اجل مُهلش نَيِه ، شايد که وَم دَس بکشه